လူကလေး...
တစ်ကျပ်တန်တွေတစ်ထပ်ကြီး...ဥပမာ အရွက်၅၀ရှိတယ်ဆိုပါတော့ကွာ...
_ဟုတ်ကဲ့အဘ
-လူကလေးလက်ထဲ ကိုင်ရတာ မများဘူးလား များတယ်မထင်ရဘူးလား...
- ထင်ရပါတယ်အဘ
-အေး.... စောစောက တစ်ကျပ်တန် အရွက် ၅၀နဲ့ ၉၀တန် တစ်ရွက်ကို ယှဉ်ကြည့်မယ်ဆိုရင် အဲဒီ၉၀တန်တစ်ရွက်ထည်းက နည်းတယ်မထင်ရဘူးလား...
တန်ဖိုးအရာတော့မနည်းပေမယ့် လက်ထဲကိုင်ရတာ မျက်စေ့နဲ့မြင်ရတာတော့ ဟို အရွက်၅၀ကပဲများနေသလိုလို...ဟုတ်တယ်မို့လား...
-ဟုတ်ပါတယ်အဘ
-အေး...တန်ဖိုးမှာတော့ ဟို၉၀တန်တစ်ရွက်ထဲကများတယ် အရေအတွက်မှာဆိုရင်တစ်ရွက်ဆိုတော့နည်းတယ်...
ကျပ်တန်၅၀ရွက်မှာ အရေအတွက်တော့များပါရဲ့...တန်ဖိုးမှတော့နည်းတယ်...
အေး......အဘပြောလိုရင်းက လူလေးတို့ သမထပုတီးနဲ့ဝိဇ္ဇာလမ်းလိုက်တဲ့သူတွေအတွက်ပဲ...
-ဟုတ်ကဲ့..အမိန့်ရှိပါအဘ
_ လူလေးတို့ ပုတီးစိပ်ကြတယ်ကွာ....သရဏဂုံ ဂုဏ်တော် ဂါထာ စသဖြင့်ပေါ့ကွာ...... အဲ့မှာ တစ်ချို့က ငါဖြင့် ဒီဂုဏ်တော်ပွားတာ တစ်နေ့ ပုတီးပတ် ၁၀၀ရတယ် ဘယ်လောက်ရတယ် ညာလောက်ရတယ်...အဲလိုတွေရှိကြတယ်...သူများကိုပြောတဲ့သူကပြောတယ်..မပြောတဲ့သူတော့လည်းမပြောဘူးပေါ့ကွယ်....
အဲဒီမှာတစ်ချက်ကြည့်ရအောင်... တစ်နေ့ပုတီးပတ်ရေ၁၀၀ရတာတေ့ာဟုတ်ပါပြီ.....သမာဓိရရဲ့လား...ဂုဏ်တော်စိပ်တယ်ဆိုရင် အဲဒီဂုဏ်တော်ရဲ့အနက်အဓိပ္ပါယ်ကိုပဲ အာရုံတစ်ပါးစိတ်မသွားပဲ စူးစူးစိုက်စိုက်ရှိရဲ့လား.... အာရုံမရဘဲ ပုတီးပတ်ရေ တစ်ရာ မကလို့ တစ်ထောင်ပင်ရစေကာမူ စိတ်ပျံ့လွင့်နေတယ်...ဥဒ္ဓစ္စဖြစ်နေတယ် ထိနမိဒ္ဓတွေဝင်နေတယ်ဆိုရင် ပုတီးစိပ်တဲ့အတွက် ကုသိုလ်သာရမယ်.... သမာဓိမရတဲ့အတွက် အကျိုးမရှိဖြစ်တတ်တယ်ကွဲ့....
နောက်ပြီး လောဘမကြီးရဘူးကွဲ့.... ဒီဂါထာကို သုံးကဋေ ခြောက်သန်းပြည့်အောင်ရွတ်ရင် ထုံပြီး ဖြစ်တယ် စွမ်းပြီး သိဒ္ဓိလမ်းစဉ်လှမ်းနိုင်ပြီ...ဆိုရင် မြန်မြန်ပြည့်ချင်တဲ့ဇောနဲ့ တစ်နေ့ကို အိုကွာ ဒါပဲ တစ်ဒေဒေစိပ်နေ ရွတ်နေတယ်.... အစတော့ ဟုတ်သလိုလို...
နောက်တော့ ရွတ်ရတာကိုပဲ ပြင်းလာပြီ....ငြီးငွေ့နေပြီ.....
အဲ...ပုတီးတစ်ပတ်ပဲစိပ်တယ် ဒါပေမယ့် ထိနမိဒ္ဓတွေမဝင်ဘူး ဥဒ္ဓစ္စမဖြစ်ဘူးဆိုရင်တော့ စောစောက အဘ ဥပမာနဲ့ပြခဲ့တဲ့ ကျပ်တန်အရွက်၅၀နဲ့၉ဝတန်လိုပေါ့ကွာ.... ကဲ ဒီလောက်ဆိုသဘောပေါက်ပြီမလား....အဘ အကျယ်တဝင့်မပြောတော့ဘူးကွယ်...ဝိဇ္ဇာလမ်းလိုက်တဲ့ပုဂ္ဂိုလ်တွေဆိုတာ တစ်ထွာပြရင် တစ်တောင်မြင်ရတယ်ကွဲ့.... အဓိက မနိုင်ဝန်မထမ်းပါနဲ့...လောဘမကြီးပါနဲ့......
-ဟုတ်ကဲ့ပါအဘ..အဘရဲ့အဆုံးအမအတိုင်းလိုက်နာကျင့်ကြံအားထုတ်ပါ့မယ်ခင်ဗျာ....
ထို့နောက် အဘအားကန်တော့ရာ အဘမှ သာဓု သုံးကြိမ်ခေါ်လေတော့သတည်းးး.......
နေလင်းထွန်း
No comments:
Post a Comment